සරා සුපෙම් බිගු ගී අමුනාගෙන
එන්නෙමි ඔබ හමුවන්න කියා...
සිනා සිහින මල් පොදි ගවසාගෙන
මොහොතින් හමු වී යන්න සිතා...
මොහොතින් හමු වී සමුගෙන යන්නට
සුසුම් සිතේ ඉඩ නොදෙන නිසා...
සිතිවිලි සිර වී ඉකි බිදිනා සද
කෙලෙසක හිනැහී යන්න ද මා...
පා වී සුලගේ දුහුල් මලෙක මෙන්
සුවද දිගේ සැතපෙන්න සිතා...
ගී ගයමින් බිගු එයි නැලැවිල්ලේ
මල් පෙති අතරේ සුවද සොයා...
මල් පෙති මල් නටු මල් කෙමි සිපගෙන
මල් හැර දා හෙට එන්න සිතා...
ඉගිලී යන්නට නොව බිගු එන්නේ
මල ලග සැතැපී ඉන්න සිතා...
මල් මුව රද හා බිගු පිණි වැස්සේ
මද නල ඔස්සේ සැලෙන නියා...
මිහිදුම් සලු වල සීතල අස්සේ
උන් සැගැවී හෙට රගන නියා...
දුහුල් වලා දළ රල පෙළ අස්සේ
උතුම් පැතුම් පොදි බැදෙන නියා...
හමුවෙමු සොදුරියෙ අපි හැම තිස්සේ
දැල්වූ පහන් දැල්වෙන්න තියා...
No comments:
Post a Comment